Кавалачак сьвету

Кнігі па- нямецку.

belangel — Wed, 13 Jul 2016 20:57:19 GMT

Для тых, хто вывучае нямецкую мову, раю заглянуць СЮДЫ.

У гэтую тэчку будуць складацца сканы цікавых дзіцячых кніг па-нямецку.

Падзелкі з рулонаў ад паперы

belangel — Sun, 28 Feb 2016 21:41:54 GMT

Riciclo creativo rotoli di carta igienica! Ecco 20 idee a cui ispirarsi…

RICICLO CREATIVO ROTOLI DI CARTA IGIENICA! ECCO 20 IDEE A CUI ISPIRARSI... Riciclo creativo rotoli di carta igienica. Ecco 20 modi per creare con i rotoli della carta…

WWW.IDEADESIGNCASA.ORG

Пяпяровыя забаўкі...

belangel — Wed, 30 Jul 2014 19:37:30 GMT

1. Простая ідэя для сьвятлафора - зрабілі яшчэ ўзімку, знайшла фота, вырашыла падзяліцца - раптам каму цікава такое. Трэба: пластыкавая бутэлька, каляровы картон, папера, нажніцы, клей і скотч. Можна яшчэ ножку дадумаць, калі пастарацца, але нам і так было добра.

2. Гульня "Мышкі" - лёгка рабіць, проста гуляць. Знойдзена на недзе мамскіх блогах. Трэба: каляровы картон, пару крышак, нажніцы і клей + гульнявы кубік. Гульцы кідаюць кубік, ходзяць на столькі клетак, колькі выпала на кубіку, калі трапляць на "свой" колер, дык атрымоўваюць "ураджай". Сабраць вялікі запас зярнятак - асноўная мэта :)

3. Мой дзень. Можна зрабіць у выглядзе інфармацыйнага аркуша, а можна крыху патраціць часу і зрабіць цікавую забаўку. Дзіцёнак з задавальненньнем будзе адзначаць зробленыя рэчы (з практыкі: лепш паменьшыць колькасьць спраў).

4. Гэты цягнічок "дні тыдня" дзеткі рабілі на зянятках. Дома мы крыху дарабілі яго (з адваротнага боку прымацавалі "кішенькі" і прыдумалі пассажыра "сям'я"). Кожны дзень пассажыр едзе ў адпаведным вагоне.

5. Шпакоўня. Зрабіць можна з маленькага пакету ад малака.

Сябрына - Барадулін Рыгор

belangel — Thu, 02 Jan 2014 00:52:07 GMT

Новая серыя кніг "Нашым дзеткам” адрасуецца самым маленькім і адкрываецца цудоўнымі вершамі для дзяцей народнага пісьменніка Беларусі Рыгора Барадуліна.

Вельмі файна ілюстраваная і зручнага фармату дзіцячая кніжка – вершы дзядзькі Рыгора выдатна аздобіла мастачка Мая Пракаповіч. Адна з найлепшых кніжак для дзяцей, выдадзеных апошнім часам!

P.S. Тут можна паглядзець электронны варыянт, але ён не заменіць сапраўдную кнігу.

Хатка- крама-кавярня

belangel — Thu, 26 Dec 2013 13:06:02 GMT

Хачу расказаць пра адну з улюблённых Радзькавых гульняў - гэта хата, яна ж крама, яна ж часам і кавярня.
Ніякага сцэнарыя гульні няма - адна імправізацыя
Хаткі/крамы/кавярні ў нас звычайна былі картонныя і розныя. Калі нам, бацькам, надакучвала прабірацца па пакоі, то мы іх ліквідавалі, але тады Радзік перапаўзаў пад кухонны стол і цягнуў за сабой сваё багацьце. Гэта было яшчэ больш нязручна, і таму паўставала новая хатка (пакуль што толькі 3 было).

У доміку абавязкова быў "кіпень" (гэта кубкі, талеркі, лыжкі, імбрык, пательня, каструля, пліта - дзіцячыя), садавіна/гародніна і шалі (дзіцячыя), грошы і кашалёк, зэдлік, амаль лямпа (ліхтарык на шнурочку), улюблённыя цацкі, інструменты, на сценках кручкі для вопраткі, на вокнах феранкі і на дзьвярах званок (званочак маленькі) і замок (пластыкавая закрывашка ад цацкі).

Часам можна было прыйсьці да кавярні, дзе гаспадар прапаноўваў набыць "каву і смачняшкі". Калі раптам у мяне не хапала грошаў, дык гаспадар прапаноўваў зьняць з карткі, ці нават мог даць свае
Часам Радзік проста запрашаў мяне ў свой дом, дзе частаваў гарбатай і "усё расказваў і паказваў".
Бывала, што я ператваралася ў прадавачку, а Радзім то ў пакупніка, то ў пастаўшчыка
А часам Радзік станавіўся майстрам: забіваў маленькія цьвікі, ці закручваў шурупы, ці проста расфарбоўваў альбо наклейваў кавалкі ліпкай плёнкі ці скотча.
Апошнюю краму мы зрабілі ня вельмі прыгожай, без дзьвярэй і без падлогі, але вялікай і яе можна складываць пры патрэбе.

Вельмі добра праз такую гульню можна абыгрываць розныя сітуацыі, развіваць ўяўленьне і фантазію, вучыць ветлівасьці, ліку і нават планаваньню Да таго ж дзіцёнку неабходна мець "свой куток", дзе ён будзе імітаваць "дарослае жыццё" сваіх бацькоў - гэта абавязковы і неабходны этап. А яшчэ можна праз дзіцёнка ўбачыць сябе з боку, свае паводзіны і звычкі :)))

Крыху фатаздымкаў ад старога да новага.

Рыхтуемся да Раства і Новага года (2)

belangel — Fri, 13 Dec 2013 14:29:11 GMT

Адвэнт-каляндар — цудоўная ідэя падрыхтоўкі дзіцёнка да сьвята і стварэньня сьвяточнага настрою.

У мінулым годзе наш адвэнт-каляндар быў на тыдзень, а ў гэтым годзе мы вырашылі зрабіць ад пачатку месяцу — на 25 дзён.

Таму нам спатрэбілася:
25 цыліндраў ад туалетнай паперы;
крэпавая папера розных колераў;
дэкаратыўная стужка;
кардон;
каляровая папера;
клей.

Спачатку абгортваем цыліндрык у паперу, завязваем стужкай з аднаго боку — паўтарыць яшчэ 24 разы :)

Пасьля напаўняем нашыя «цукеркі» падарункамі і завязваем зь іншага боку. Мы клалі цукеркі, арэхі, маленькія цацкі, сухафрукты — загортвалі пяпярэдне ў харчовую фольгу.

Цяпер трэба выразаць з кардону абаранак. Каб не памыліцца з памерам, бярэм цукеркі, складаем бок да боку, мераем даўжыню і дзелім на 3 — гэта і будзе прыкладным дыямэтрам унутранага кола.

«Абаранак» можна пафарбаваць у зялёны колер ці абклеіць паперай.

«Цукеркі» прыклеіць на вадкія цьвікі ці клей (клей-аловак не падыдзе).

З каляровай паперы выразаць кружочкі, напісаць лічбы і прыклеіць на цукеркі.

Зрабіць дзірачку ўверсе асновы, працягнуць пецельку са стужкі і павесіць адвэнт-каляндар на цьвічок.

Вось і ўсё. Засталося кожны дзень атрымоўваць асалоду ад радасьці дзіцёнка :)

Рыхтуемся да Раства і Новага года.

belangel — Tue, 10 Dec 2013 00:40:40 GMT

У гэтым годзе нашая падрыхтоўка да сьвятаў пачалася з упрыгожваньня ялінкі. Разьвесілі амаль усе цацкі і парастаўлялі ўсе знойдзеныя ўпрыгожваньні — калі б знайшлі б яшчэ, то і іх бы дзіцёнак прыстроіў бы. Пасьля зялёнай вырашылі перайсьці да шышкавых ялінак. Вось тут і спатрэбіліся сабраныя яшчэ ўлетку сасновыя ды яловыя шышкі, якіх у нас вельмі шмат.

Выбралі 3 прыгожыя шышкі і пафарбавалі іх з балёнчыка ў залацісты колер. Шышкі падсыхаюць, а мы тым часам робім прыгожыя гаршчочкі.
Выразаем 3 гаршчочкі з пластыкавага кантэйнэру ад яек і абпальваем крайчыкі над сьвечкай, каб рукі не пашкодзіць.
З плястыліну робім зьмеяк і лепім на плястык, як нам падабаецца, можна ўпрыгожыць плястылінавымі шарыкамі ці бусінамі.
Калі гаршчочкі гатовыя, то робім тоўстую зьмейку карычневага ці чорнага колеру і сьпіральлю ўкладаем унутры гаршчочку — гэта наша зямля.
Прымацоўваем высахлую шышку і крыху прыціскаем, каб яна замацавалася ў «зямлі».
Бісер ці бусіны нанізваем на леску ці нітку і робім гірлянду для нашых шышкавых ялінак.